Vaarwel, Joe

 

Gure weer op die Camino.

 

 

Die afgelope twee dae is dit gure weer hier in die noord-weste van Spanje. Die loodgrys wolke hang laag oor die aarde, die wind looi uit die suide en die reën kom in vlae. Ek stap met my nifty rooi reënjas in die band van my rugsak. Kom die reën, glip ek hom uit, draai in die wind in dat die jas so n bol oor my rugsak maak, zip toe en daar gaan ek – knus in my rooi kokon. Dis heerlik om in die reën te stap. Ek kan nie glo dat ek so bang was daarvoor nie.

Gisteroggend vertrek en vroeg uit Léon. Ek wuif my maters tot siens. Hulle neem n taxi uit die stad uit om hulle n hupstoot te gee. So teen middagete is my 20 km agter die rug en ek boek in die Alberge  in die klein dorpie Vilar de Mazarife in. Voor in die straat jaag n skaapwagter op n donkie sy trop skape deur die dorp. Hier gaan ek lekker bly.

In die Alberge is daar ou vriende: Linda, my kookmaat van Nederland en Joe, die afgetrede ingenieur van die VSA oor wie ek reeds in die hoofmeisie-saga geskryf het.

Oor die afgelope drie weke sien ek amper elke dag vir Joe. Soms stap ons klein entjies saam, maar meestal loop ons makaar by eet- en blyplekke raak.

Joe is so by die 70 en is trots Republikeins. George Bush (pa en seun) is sy manne. Praat iemand oor Barak Obama, waai hy die gesprek soos n lastige vlieg weg. Hy vertel trots hoe hy en sy bure slinkse planne beraam om vreemdelinge (veral Japanese) uit hulle condo-kompleks uit te hou. Hy stel in n ander ou se land of se stories net niks belang nie – soos ek sê, trots Amerikaans.

Maar wat my sekerlik die meeste irriteer is die minagtende en afwysende manier waarop hy oor sy vrou praat. Hulle is meer as 40 jaar getroud en sy is die ma van sy seuns op wie hy so trots is.

Hy en sy vrou sit vas omdat hy na sy aftrede net sy eie ding wil doen en nie saam met haar wil reis nie. Sy hou van swem in die see en hy kan dit nie verduur nie. Om hom n punt te wys oor sy lang tog op die Camino, het sy nou saam met vriende n toer na Suid-Afrika toe gereël. Gelukkig hoef hy daarmee niks te doen te hê nie.

Joe het n sagte plek vir ferm vrou-vlees. Een van sy gunsteling aanhalings is van een of ander country & western sanger wat sing ‘all I need is a firm feeling woman and a wailing guitar’. Hy praat oor die spierdefinisie van sy gym instruktrise se rug as sy hulle gym klas deur hulle passies vat. Te veel inligting, my ou maat, te veel.

Vanoggend by ontbyt sien ek vir Joe. Elke dag vra almal dieselfde vrae: hoe voel jou voete en hoe ver stap jy vandag?

Joe sê hy stap 30 km en gaan dit só doen vir die volgende 10 dae tot in Santiago. En dié verandering van plan? Ek dog hy het onbeperkte tyd? Nee, sê Joe, hy wil graag terug wees in die VSA voor sy vrou Suid-Afrika toe gaan. Hy mis haar vreeslik en wens hy kon saam met haar op die toer gaan. Haai, Joe – het die ure se alleen stap jou tot ander insigte gebring? Is jy nou bly vir wat jy het? Is 40 jaar se lojaliteit skielik belangriker as n ferm lyf? Lyk my die Camino het sy ding gedoen. Ek sê tot siens vir Joe. Weens sy versnelde pas sal ons mekaar nie weer sien nie. Vaarwel Joe, en buen Camino vir jou.

5 thoughts on “Vaarwel, Joe

  1. Hi Jennie, eventhough I can only understand a few words from what you write but it’s still nice to see you you are doing well 🙂 would you please give my email address to Linda if you see her, I would love to know how she is. Thank you, hope to see you soon and buen camino!
    veronika84@gmail.com

    Like

  2. Hi Jennie, eventhough I can only understand a couple of words of what you write it’s really nice to see you are doing well:) In case you see Linda again, would you please give her my email address, I would like to know how she is doing. Hope to see you soon 🙂
    buen camino!
    Veronika (veronika84@gmail.com)

    Like

  3. J2 eks soo trots op jou!
    Nog in Joe van die lewe wat eers iets of iemand verloor of die realiteitswind van potensiele verlies voel met die besef dat die ander party kan ook aanbeweeg. Hoop net hierdie nie in gebeurtenis nie maar wel in poging van permanente bewuste gedragsverandering

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s